Қарыз алушының микроқаржы омбудсманына жүгіну құқығы

2024 жылғы 21 желтоқсаннан бастап Қазақстанда қарыз алушылар мен микроқаржы ұйымдары арасындағы дауларды соттан тыс шешуге арналған микроқаржы омбудсманы институты жұмыс істейді. Қарыз алушы үшін омбудсманға жүгіну тегін.

Микроқаржы омбудсманы қызметін Естеусизова Назгүл Қарасқызы атқарады.

Микроқаржы омбудсманына жеке тұлға жасасқан микрокредит беру туралы шарттан туындайтын даулар бойынша жүгінуге болады. Оның құзыретіне мыналар кіреді:

• шарт талаптары мен оны орындау тәртібі бойынша келіспеушіліктер;
• микрокредит бойынша мерзімі өткен берешекті реттеу мәселелері;
• талап ету құқығы коллекторлық агенттікке немесе өзге тұлғаға берілген шарттар бойынша даулар.

Омбудсман кредитордың немесе қарыз алушының жағын ұстамайды — оның міндеті екі тарапқа да қолайлы шешім табу.

Микроқаржы омбудсманы өтінішті қараудан бас тартады, егер:

• дау сот өндірісіне қабылданған болса немесе ол бойынша заңды күшіне енген сот актісі болса;
• қарыз алушы кредиторға алдын ала жүгінгенін растамаса;
• өтініш қайта берілсе және онда істің жаңа мән-жайлары болмаса.

1. Микроқаржы омбудсманының атына жазылған өтініш.
2. Омбудсманның сайтында орналастырылған нысан бойынша қарыз алушының сауалнамасы.
3. Жеке басын куәландыратын құжаттың көшірмесі.
4. Микрокредит беру туралы шарт, өтеу кестесі және бар болса қосымша келісімдер.
5. Кредиторға немесе талап ету құқығы берілген тұлғаға бұрын жолданған өтініштердің және оларға алынған жауаптардың көшірмелері.
6. Дербес деректерді жинауға және өңдеуге, сондай-ақ кредиттік есепті алуға келісім.

Егер қарыз алушы микроқаржы омбудсманының шешімін қабылдаса, ол микроқаржы ұйымы және шарт бойынша талап ету құқығы берілген тұлға үшін міндетті болады.

Орындау мерзімі — 30 күнтізбелік күн. Шешім осы мерзімде орындалмаса, омбудсман бес жұмыс күнінен кешіктірмей Қазақстан Республикасының Қаржы нарығын реттеу және дамыту агенттігіне (ҚНРДА) хабарлайды.